A Consellaría de Cultura e Deporte destina un total de 3.100.000 euros para a produción audiovisual desagregados en anualidades ata o 2011. Así, desta cantidade total se conceden 700.000 € para o 2008, 800.000 € para o 2009, 800.000 € para o 2009 e 800.000 € para o 2011.

Os prazos de xustificación das correspondentes anualidades rematarán nas seguintes datas: anualidade do 2008 no 15 de novembro de 2008, a anualidade do 2009, o 31 de outubro de 2009, a anualidade do 2010 o 31 de outubro de 2010 e a anualidade do 2011 o 31 de outubro de 2011.

Como a novidade máis evidente a temos en quen pode ser os beneficiarios das axudas; persoas físicas ou xurídicas situadas nun estado da Unión Europea con sede en Galicia.

Dentro destas axudas pódense concorrer as seguintes categorías:

1. Longametraxes de ficción:

-Modalidade A: longametraxe cinematográfica.

-Modalidade B: óperas prima.

-Modalidade C: telefilmes.

2. Longametraxes documentais:

-Modalidade A: documentais de creación

-Modalidade B: documentais de difusión cultural

3. Longametraxes en soporte dixital

Nestas cateorías o investimento subvencionable son os seguintes:

1. Longametraxes de ficción:

-Longametraxe cinematográfica: ata o 30% cun máximo de 300.000 euros cegando a 400.000 en animación

-Operas prima: ata o 40% cun máximo de 300.000 euros

-Telefilmes: ata o 30 % cun máximo de 150.000 euros.

2. Longametraxes documentais:

-Documentais de creación: ata o 50%, cun máximo de 60.000 euros.

-Documentais de difusión cultural: ata o 50% cun máximo de 50.000 euros

3. Longametraxes en soporte dixital: ata o 60 % cun máximo de 100.000 euros

Outra das novidades son os criterios de valoración xa que os proxectos deberán superar os 60 puntos desagregados en contribución cultural 35 puntos, contribución creativa 10, emprego de recursos Galegos 7,5 e viabilidade do proxecto 7,5.